Eze 39 | Ndebele | STEP | Wena-ke ndodana yomuntu , profetha umelene loGogi, uthi: Itsho njalo iNkosi uJehova : Khangela, ngimelane lawe, wena Gogi, siphathamandla esiyinhloko seMesheki leThubhali .

1 Wena-ke ndodana yomuntu ^a, profetha umelene loGogi, uthi: Itsho njalo iNkosi uJehova ^b: Khangela, ngimelane lawe, wena Gogi, siphathamandla esiyinhloko seMesheki leThubhali ^c. 2 Ngizakutshibilikisa ^d, ngitshiye ingxenye yesithupha ^e, ngikwenze wenyuke uvela emaceleni enyakatho ^f, ngikulethe phezu kwezintaba zakoIsrayeli ^g. 3 Besengitshaya idandili lakho lisuke esandleni sakho sokhohlo, ngenze imitshoko yakho iwe esandleni sakho sokunene ^h. 4 Uzawela ⁱ phezu kwezintaba zakoIsrayeli ^j, wena, lamaviyo akho wonke ^k, labantu abalawe ^l. Ngizakunikela enyonini ezidla inyama, enyonini zalo lonke uphiko ^m, lakuzilo zeganga, ube yikudla ⁿ. 5 Uzawela ebusweni bomhlaba, ngoba mina ngikhulumile, itsho iNkosi uJehova ^o.

6 Njalo ngizathumela umlilo ^p kuMagogi ^q, laphakathi kwabahlala ngokonwaba ^r ezihlengeni ^s. Khona bazakwazi ukuthi ngiyiNkosi ^t. 7 Njalo ngizakwenza ukuthi ibizo lami elingcwele laziwe phakathi kwabantu bami uIsrayeli ^u; kangisayikungcolisa ibizo lami elingcwele ^v; lezizwe zizakwazi ^{w
,} ^x ukuthi ngiyiNkosi, oyiNgcwele koIsrayeli ^y.

8 Khangelani ^z, sekufikile sekwenzakele, itsho iNkosi uJehova ^{aa
,} ^ab; yilo lolusuku engakhuluma ngalo ^ac. 9 Labahlali bemizi yakoIsrayeli bazaphuma, batshise ^ad baphembe umlilo ^ae ngezikhali ^af, lezihlangu ezinkulu lamahawu, ngamadandili, langemitshoko, langezinduku zesandla, langemikhonto, baphembe umlilo ngakho iminyaka eyisikhombisa ^ag; 10 ukuze bangathezi izinkuni egangeni, bangagamuli emaguswini; ngoba bazaphemba umlilo ngezikhali ^ah; baphange labo ababaphangayo, bemuke ababemukayo, itsho iNkosi uJehova ^ai.

11 Kuzakuthi-ke ngalolosuku, ngiphe uGogi lapho indawo yengcwaba koIsrayeli, isihotsha sabadluli empumalanga kolwandle, esizavimbela abadluli. Lalapho bazangcwaba uGogi lexuku lakhe lonke; basibize ngokuthi yisiHotsha sexuku likaGogi ^aj. 12 Njalo indlu yakoIsrayeli izabangcwaba, ukuze bahlambulule ilizwe, okwenyanga eziyisikhombisa ^ak. 13 Yebo bonke abantu belizwe bazabangcwaba, kube libizo kubo ngosuku engizadunyiswa ngalo, itsho iNkosi uJehova ^{al
,} ^am.

14 Njalo bazakwehlukanisa amadoda ahlezi edabula phakathi kwelizwe ukuyangcwaba, labedlulayo, labo abaseleyo ebusweni belizwe ^an, ukuze balihlambulule ^ao. Ekupheleni kwenyanga eziyisikhombisa bazahlola ^ap. 15 Labedlulayo bazadlula phakathi kwelizwe, lapho bebona ithambo lomuntu ^aq, uzakwakha isibonakaliso phansi kwalo ^ar, baze abangcwabi balingcwabe esihotsheni sexuku likaGogi ^as. 16 Futhi lebizo lomuzi lizakuba yiHamona. Ngokunjalo bazahlambulula ilizwe ^at.

17 Wena-ke, ndodana yomuntu, itsho njalo iNkosi uJehova: Tshono ^au enyonini yalo lonke uphiko ^av, lakuyo yonke inyamazana yeganga ^aw: Zihlanganiseni, lize, libuthane livele inhlangothi zonke ^{ax
,} ^ay kumhlatshelo wami engiwuhlabele lina ^az, umhlatshelo omkhulu phezu kwezintaba zakoIsrayeli ^ba, ukuze lidle inyama linathe igazi. 18 Lizakudla inyama yamaqhawe, linathe igazi leziphathamandla zomhlaba ^bb, elezinqama, elamawundlu, lelezimbuzi, elamajongosi ^bc, konke kungokunonisiweyo kweBashani ^bd. 19 Njalo lizakudla amafutha lize lisuthe, linathe igazi lize lidakwe ^be, ngomhlatshelo wami engilihlabele wona ^bf. 20 Ngokunjalo lizasutha etafuleni lami ngamabhiza lezinqola ^{bg
,} ^bh, ngamaqhawe ^bi, langawo wonke amadoda empi, itsho iNkosi uJehova.

21 Njalo ngizamisa inkazimulo yami phakathi kwezizwe ^bj; lezizwe zonke zizabona isahlulelo sami engisenzileyo ^bk, lesandla sami engisibeke phezu kwabo ^bl. 22 Ngokunjalo abendlu kaIsrayeli bazakwazi ukuthi ngiyiNkosi uNkulunkulu wabo ^bm kusukela ngalolosuku ^bn kusiya phambili ^bo.

23 Lezizwe zizakwazi ukuthi abendlu kaIsrayeli bathunjwa ngenxa yobubi bayo; ngenxa yokuthi baphambuka bemelene lami ngakho ngafihla ubuso bami kubo ^bp, ngabanikela esandleni sezitha zabo; ngokunjalo bonke bawa ngenkemba ^bq. 24 Ngabaphatha njengokokungcola kwabo lanjengokweziphambeko zabo ^br, ngafihla ubuso bami kubo ^bs.

25 Ngakho itsho njalo iNkosi uJehova: Khathesi ngizabuyisa abathunjwa bakaJakobe ^bt, ngibe lesihawu phezu kwayo yonke indlu kaIsrayeli ^bu, ngibe lobukhwele ngebizo lami elingcwele ^bv. 26 Sebethwele ihlazo labo, laso sonke isiphambeko sabo abaphambeke ngaso bemelene lami ^bw, lapho bahlala bevikelekile elizweni labo ^bx, engekho obethusayo ^by. 27 Sengibabuyisile bevela ebantwini, ngabaqoqa bevela emazweni ezitha zabo ^{bz
,} ^ca, ngangcweliswa kubo emehlweni ezizwe ezinengi ^{cb
,} ^cc. 28 Khona bazakwazi ukuthi ngiyiNkosi uNkulunkulu wabo, engenza ukuthi bakhokhelelwe ekuthunjweni phakathi kwezizwe ^cd; kodwa ngizabaqoqela elizweni lakibo, kangisayikutshiya lamunye wabo khona ^ce. 29 Njalo kangisayikufihla ubuso bami kubo ^cf, ngoba ngithululele umoya wami phezu kwendlu kaIsrayeli, itsho iNkosi uJehova ^cg.